Ascolta la poesia dalla voce dell'autore:

/audio/nogoparoni.mp3

No gò paróni

El savé oramài zènt che mi ghe 'n vègno a scrìver demò quél che me bóie dént. El savé che no sopòrto né giòf né museròla: no g'ò paróni mi, credéme, che ve 'l digo per dal bòn a mi me pias cantar contènt ma fòr dal còro, quél che me vèn en mént cossì 'nté quél momént. Credéme zènt. Al dì de ancòi no 'l sarà tant ma l'è tant de pu che gnènt e mi són contént cossì coi me penséri piéni de sfrizzóni

stornìsie, dispiazéri che a sitèle i se missia 'mpiturade nté 'n zògh de lusentìni che nissùn me smòrza zó. Credéme zènt che l'è anca far fadìga sentìrse 'n pòch maródeghi farse na pianzùda de làgreme brovènte ma 'l zògh cossì l'è nèt e le passión che scóndo dént a la me poesìa tegnìmele da cónt no sté a trarle via. L'è 'l cant de na paìgola o 'l brùzer de na bèstia ferìda che la ziga co la vóze che ghe rèsta.

Non ho padroni
Lo sapete ormai gente/ che io sono capace di scrivere/ soltanto ciò che mi bolle dentro./ Lo sapete/ che non sopporto/ né giogo né museruola:/ non ho padroni io, credetemi,/ che ve lo dico davvero/ a me piace cantare/ contento ma fuori dal coro,/ quello che mi viene in mente/ così in quel momento./ Credetemi gente./ Al giorno d'oggi non sarà tanto/ ma è tanto di più che niente/ e io sono contento così/ con i miei pensieri/ pieni di fitte/ vertigini, dispiaceri/ che a lampi si mescolano/ pitturati/ in un gioco di brillantini/ che nessuno mi spegne./ Credetemi gente/ che è anche far fatica/ sentirsi un po' svuotati/ farsi un pianto/ di lacrime bollenti/ ma il gioco così è pulito/ e le passioni che nascondo/ dentro alla mia poesia/ tenetele in considerazione/ non gettatele via./ Sono il canto di un'ugola/ o il mugghiare di una bestia/ ferita che urla/ con la voce che le resta.